Villikettir halda áfram baráttu sinni þótt fáir þeirra eigi lengur rödd á alþingi, aðeins einn úr hópi þeirra sem hafa verið taldir villikettir svo vitað sé situr nú á þingi, Ásmundur Einar Daðason. En þeir eru og verða duglegir að finna sína rödd, eins og gangan gegn ESB aðild Íslands á 1. maí ber vitni.

Fólkið sem starfar með Regnboganum fyrir sjálfstæði Íslands og sjálfbærri þróun er nú lagt af stað í kosningabaráttuna. Ef einhvern lagar að vita meira um þetta ágæta fólk er tilvalið að skoða undir flipanum ,,Frambjóðendur" á vef Regnbogans: www.regnboginn.is

Regnboginn fer ekkert troðnar slóðir í uppröðun á lista og ýmist leiða konur eða karlar þá lista sem fram eru komnir á vegum framboðsins eða vitað að verða í forystusætum. Reglustikan og málbandið, sem vissulega hefur oft þurft að nota til að á engan sé hallað, hafa verið skilin eftir heima, en niðurstaðan á landsvísu endar líklega í miklu jafnvægi milli kynja, bæði ef litið er á heildarfjölda frambjóðenda og fólkið í efstu sætunum. En einstök kjördæmi hafa sína hentisemi og vekur kannski nokkra athygli að af 26 frambjóðendum í Kraganum eru 17 konur og þar af þrjár sem raðast í efstu sætin.

	Konur leiða Regnbogann í Kraganum
Ábyrgðarmaður færslu Tilkynna um óviðeigandi tengingu við frétt

Jón Bjarnason tók þátt í umræðum nýju framboðanna í dag og þeir sem misstu af þeim þætti munu eflaust finna hann á vef Ríkisútvarpsins, ruv.is

Það barst í tal að hann væri einn af villiköttum síðasta kjörtímabil og athyglisvert var að hann setti það í samhengi við að vera trúr sannfæringu sinni og málefnunum sem hann stendur fyrir. Það er einmitt styrkleikur Regnbogaframboðsins - það er ekki aðeins samþykkt að fólk standi með sínum málefnum, heldur byggist framboðið á því. Stefnuyfirlýsing Regnbogans fjallar um þau mál sem frambjóðendurnir sameinast um, en það er gengið út frá því að hver frambjóðandi hafi eitthvað sérstakt fram að færa og berjist fyrir þeim málefnum. Flestir þekkja þá liðsmenn Regnbogans sem hafa verið á þingi og einmitt barist fyrir sínum málefnum þar og neitað að taka þátt í hrossakaupum og svikum við einlæg loforð bæði í ESB-andstöðu ogumhverfismálum. Nú seinast tóku þeir Jón Bjarnason og Atli Gíslason þann slag eftirminnilega. Harpa Njálsdóttir, sem aldrei hefur fyrr ljáð máls á því að fara í framboð hefur þegar komið fram með sína sérþekkingu á velferðarmálefnum og fátækt á Íslandi í umræðuþætti á Stöð 2, þar sem hún var fulltrúi Regnbogans. Í kosningabaráttunni hafa fleiri frambjóðendur komið skýrt fram með sínar áherslur í blaðagreinum, bloggi og á fundum. 

Það er sagt að Svisslendingar, sem eiga allra þjóða besta hefð í að nýta sér þjóðaratkvæðagreiðslur, telji litla þörf á að segja hug sinn í skoðanakönnunum. Til þess hafa þeir raunverulegar kosningar, og það var einmitt það sem Jón benti á í þættinum áðan, að fylgi Regnbogans mun koma í ljós í kosningunum, stuðningur við frambjóðendurna kemur upp úr kjörkössunum. Aldrei fyrr, alla vega á lýðveldistímanum, hefur verið eins mikil gerjun í íslenskum stjórnmálum. Margir ætla að kjósa ,,hvað sem er nema fjórflokkinn" og munu hlusta á málflutning frambjóðenda Regnbogans.